 |
| ਜਰਨੈਲ ਘੁਮਾਣ ਤਸਵੀਰ ਜੁਲਾਈ 2010 |
- ਜਰਨੈਲ ਘੁਮਾਣ
********************************
ਭਲੇ ਲੋਕਾਂ ਨੇ ਐਵੀਂ ‘ਘੁਮਾਣ ’ਹੋਰੀਂ ,
ਬਿਨਾਂ ਗੱਲੋਂ ਵਾਧੂ ਬਦਨਾਮ ਕਰ ਦਿੱਤੇ ।
ਕਿਸੇ ਸ਼ਾਹ ਤੇ ਕਿਸੇ ਸਿਕੰਦਰ ਕਹਿ ਦਿੱਤਾ ,
ਇੱਕ ਇਨਸਾਨ ਦੇ ਕਈ ਕਈ ਨਾਮ ਧਰ ਦਿੱਤੇ ।
ਕਈਆਂ ਵੱਡੀਆਂ ਉਪਾਦੀਆਂ ਦੇ ਸਾਨੂੰ ,
ਸਾਡੀ ਸ਼ਾਨ ’ਚ ਸੋਹਲੇ ਸ਼ਰੇਆਮ ਪੜ੍ਹ ਦਿੱਤੇ ।
ਈਰਖਾਵਾਨ ਵੀ, ਹਟੇ ਨਾ ਕਦੀ ਪਿੱਛੇ ,
ਜਿੰਨੀ ਸਮਝ ਸੀ, ਉਤਨੇ ਇਲਜ਼ਾਮ ਮੜ੍ਹ ਦਿੱਤੇ ।
ਤਮੰਨਾ ਕੀਤੀ ਸੀ ,ਪਾਣੀ ਮਿਲ ਜਾਏ ਤੁਬਕਾ ,
ਸਾਕੀ ਮਿਲ ਗਿਆ , ਛਲਕਦੇ ਜਾਮ ਭਰ ਦਿੱਤੇ ।
ਭੁੱਖਿਆਂ ਢਿੱਡਾਂ ਨੂੰ, ਤਲਾਸ਼ ਸੀ ਟੁੱਕੜਿਆਂ ਦੀ ,
ਭੰਡਾਰ ਅੰਨ ਦੇ , ਖਜ਼ਾਨੇ ’ਚ ਦਾਮ ਭਰ ਦਿੱਤੇ ।
ਮਿਹਨਤਕਸ਼ਾ ਘਰ ਜਨਮੇ ਸਾਂ , ਕਰੀ ਮਿਹਨਤ ,
ਵਿੱਚ ਜ਼ਿੰਦਗੀ , ਸੁੱਖ-ਅਰਾਮ ਭਰ ਦਿੱਤੇ ।
ਕੁੱਝ ਨਕਸ਼ ਉਲੀਕੇ ਸੀ ਜਿਉਣ ਖਾਤਿਰ ,
ਰਹਿਮਤ ਡਾਢੇ ਦੀ ,ਰੰਗ ਤਮਾਮ ਭਰ ਦਿੱਤੇ ।
ਸ਼ਾਇਰੀ ਦੂਰ ਦੀ ਗੱਲ ,ਬਣ ਸ਼ਾਇਰ ਬਹਿ ਗਏ ,
ਥੋਡੇ ਪਿਆਰ ਨੇ, ਸ਼ਬਦ ਕਲਾਮ ਕਰ ਦਿੱਤੇ ।
- ਜਰਨੈਲ ਘੁਮਾਣ
Writer jarnail ghuman
E mail : ghuman5577@yahoo.com
No comments:
Post a Comment